Сурталчилгаа
Хариулах
Иргэдийн анхааралд:
Стандартын сайт хэвийн ажиллагаанд орлоо
http://www.estandard.gov.mn/index.php
МОНГОЛ УЛСЫН ЗАСГИЙН ГАЗРЫН 2017 ОНЫ “САХИЛГА, ХАРИУЦЛАГА, ДЭГ ЖУРМЫГ ЧАНГАТГАХ ТУХАЙ” 01 ДҮГЭЭР АЛБАН ДААЛГАВАР
Шатахуун болон хийн түүгээгүүрт ээлжит баталгаажуулалт хийлээ
Стандарт, хэмжил зүйн хэлтсээс Өвөрхангай аймагт үйл ажиллагаа явуулж байгаа нефьт болон шингэрүүлсэн шатдаг хий түгээх станцуудад жилд хоёр удаа хийгддэг улсын ээлжит баталгаажуулалтын 2018 оны эхний хагас жилийн ажил хийгдэж дууслаа.
Ээлжит баталгаажуулалтад нийт 68 нефьт болон шингэрүүлсэн шатдаг хий түгээх станцууд хамрагдаж нийтдээ 193 шатахуун болон шингэрүүлсэн шатдаг хий түгээх хошуунд улсын баталгаажуулалтын гэрчилгээг олгоод байна. Иргэд нефьт болон шингэрүүлсэн шатдаг хий түгээх станцуудаар үйлчлүүлэхдээ улсын баталгаажуулалтын гэрчилгээг шалгаж, үйлчлүүлэхийг зөвлөж байна.
Эрх зүйн цахим хөтөч E-Khutuch.mn
Энэхүү цахим портал нь иргэд өөрт шаардлагатай эрх зүйн мэдээллийг хүссэн газраасаа, хүссэн цагтаа авч болох, өөрт тулгарсан асуудлаа хуулийн аргаар шийдэхэд нь туслах эрх зүйн анхны хөтөч болохоос гадна эрх зүйн сургалт, сурталчилгаа, мэдээ мэдээллийг бусдад түгээхэд шууд хэрэглэж болохуйц гарын авлага, материалаар хангах нэгэн эх сурвалж болох зорилготой.
Стандартчилал техникийн зохицуулалт, тохирлын үнэлгээний итгэмжлэлийн тухай хууль 2018 оны 07 дугаар сарын 01-ээс хэрэгжиж эхэлнэ.
Үүнтэй холбогдуулан улсын хэмжээнд тус хуулийг сурталчлах ажлыг Стандарт, хэмжил зүйн газраас бүсчлэн зохион байгуулж байна. Төвийн бүсийн хэмжээнд Өвөрхангай, Баянхонгор, Говь-Алтай аймгийн Стандарт, хэмжил зүйн хэлтсийн ажилтан албан хаагчид, Баянхонгор аймгийн төрийн байгууллага, төрийн өмчит компани, үйлдвэрлэл, үйлчилгээ эрхлэгчдийн 60 гаруй төлөөллийг хамруулсан сургалт 2018.06.28-нд Баянхонгор аймагт амжилттай зохион байгуулагдлаа.
Сургалт зохион байгууллаа
“MNS ISO/IEC 9001:2016 Чанарын менежментийн тогтолцоо, шаардлага Олон Улсын Стандарт модуль 1 сургалт амжилттай зохион байгуулагдлаа. Мөн Өвөрхангай аймгийн Нийгмийн даатгалын хэлтэс MNS 9001-2015 чанарын менежментийн тогтолцоо шаардлага стандартыг нэвтрүүлэх бэлтгэл ажиллаа эхлээд байна.
Хамтарсан хяналт шалгалтыг хийлээ
Мэргэжлийн хяналтын газартай 2018 онд хэмжил зүйн чиглэлээр хийх хяналт шалгалтын хамтарсан төлөвлөгөөний дагуу “Занабазар” захын мах,сүү, цагаан идээний худалдаа эрхлэгчдийн худалдааны жингийн баталгаат байдалд хяналт шалгалтыг явууллаа. Хяналт шалгалтаар баталгаажуулалтын хугацаа дууссан 28 жинг улсын баталгаажуулалтад хамруулан, стандарт шаардлага хангахгүй байгаа 2 жинд улсын шалгагчийн мэдэгдэл олгов. Мөн байгууллагын хэмжил зүйн дотоод хяналтыг хэрэгжүүлэх, цаг тухайд нь жингээ баталгаажуулалтад хамруулах, хяналтын жинг байрлуулан хэрэглэгчдэд үйлчлэх талаар МХГазрын хэмжил зүйн улсын байцаагчийн албан шаардлагыг хүргүүлэхээр шийдвэрлээд байна.
АЙМГИЙН ОРОН ТООНЫ БУС БАТАЛГААЖУУЛАЛТЫН ЗӨВЛӨЛИЙН ЭЭЛЖИТ ХУРАЛ ЗОХИОН БАЙГУУЛАГДЛАА.
Аймгийн орон тооны бус баталгаажуулалтын зөвлөлийн хурлыг 2018 оны 03 дугаар сарын 07-ны өдөр зохион байгууллаа.
Тохирлын гэрчилгээ шинээр авах болон сунгуулахаар хүсэлт гаргасан 4 иргэний 4 үйлчилгээний газарт тохирлын үнэлгээ хийснээс стандартын шаардлагын хэмжээнд гэж үнэлэгдсэн 3 үйлчилгээний газарт тохирлын гэрчилгээ олгохоор, 1 үйлчилгээний газрыг дахин үнэлгээнд хамруулахаар тус тус шийдвэрлэсэн байна.
Зургийн цомог
This gallery contains 2 photos.
